Friday, June 24, 2011

我心結

噚晚同姐夫個妹詳談,講番舊年佢同義工西環捉貓嘅事,原來有新進展。。。既然心結解除,呢幾張相可以再post啦

因為放呢幾張相上facebook,一班愛貓之人決定要救隻貓B


結果,佢地捉到左面嘅老豆同阿B,剩番貓媽


最新故事原來繼續。。。。當晚,老豆走甩,喺石塘咀由三樓跳落一樓簷篷,之後一樓嘅住客肯餵佢,但捉佢唔到;而同時,班貓義工因為三樓位愛貓者嘅大意,喊到豬頭兼嗌哂大交,三樓愛貓者話捉到想養但唔肯裝貓窗紗,貓義工就話你唔裝就咪養,大家不歡而散
一樓呢,又話想養喎,但貓義工要佢辧手續,佢又堅持唔肯,結果又嗌交收場,而最後消息係佢捉到隻貓但遺棄左喺附近公園,我為此好唔開心,但原來班貓義工更唔開心,call齊20人,包括識“潛心術”嘅“專家”(呢個位好好笑囉),不下十次重返公園附近,為嘅係搵番隻貓,但上兩個星期,佢地發現三樓裝左貓窗紗。。。

我樂觀地理解為,一樓根本講大話,佢同三樓夾埋,佢地其實養左隻貓,但唔想比你班貓義工煩,呃佢地掉左隻貓

﹣﹣﹣﹣﹣﹣﹣﹣﹣﹣﹣﹣﹣﹣﹣
到阿B,呀,叫阿Bu至啱,佢主人幫佢改左名啦;經姐夫妹駁線,facebook見到佢主人兼阿B近照;收養佢頭幾日,有晚佢突然全身抽哂筋,女主人即帶佢去太平道睇醫生,使左$8000,醫生話佢先天癲癇,無得醫,當時聽到我又係超唔開心;但噚日得知,收養8個月,無再復發,兼肥肥白白,主人當正佢係公主(原來女嚟架喎),睇下佢近照。。。














見佢有人錫又健康,心結解除,我開心到失眠呀

19 意見:

TY said...

先恭喜你心結解除! 而我亦希望你樂觀既理解係正確的!:)

阿BU好可愛!!!!!有人當佢係公主, 真係好好好!!!! 果張佢錫隻白貓.. 好好好SWEET!!!!!

unknown said...

好好好好好好可愛呀佢!!!!!!!
貓貓知你噤錫佢都一定好開心!!!!!

naruto said...

TY:
佢主人話佢係小覇王嚟架

馬田亨:
你果隻都好可愛呀,係個主人唔可愛咋嘛

卡臣 said...

阿bu得意意意意意意意意意到爆哂燈!

戥你開心呀!

naruto said...

卡臣:
死,今晚仲係無睡意㖭~~

邪留丸~ said...

有人錫替佢哋開心~
^v^

Ebenezer said...

心結解除,可喜可賀^^

Bean'z Lam said...

阿B同貓媽媽真係有幾分相似
都係鬥雞眼

l.minor said...

Ah Bu又真係幾過得意呀~

石塘咀?我最近經常去喎~

supageti said...

阿 Bu 搵到好人家,爸爸唔駛流離浪蕩,我都老懷安慰呀 ~~~

最尾果張隻大貓貓係邊位呢?

naruto said...

邪留丸~:
係呀,佢開心時我都放心

Ebenezer:
真係鬆番,無咁罪惡感

Bean'z Lam:
阿Bu喎?邊有鬥雞呀?我反而覺得好彩佢唔似阿媽囉

l.minor:
去石塘咀做乜?搵我食餐飯都得喎

supageti:
養阿Bu嘅貓主有7隻貓架,其他貓囉

meow said...

你解開心結就好,希望你快d瞓到個好覺,夢會貓貓。:)
阿bu真係好可愛,跟到個好主人真係放心晒。
老豆都應該係有人收養左的,你的推測非常合理。
其實,貓貓同人一樣,都好講際遇。希望人會愛護動物多d。

naruto said...

meow:
際遇真係好奇呀,聽講,佢生左唔只一隻,其他比阿叔拎左去街市送比人,唔知點解剩番呢隻,就遇著我,比我影左相放上facebook,佢條命就改變哂,變左公主

phyllis said...

阿bu好靚女, 對眼又圓又大又水汪汪!
希望佢快快樂樂成長!

l.minor said...

近排有時夜晚過黎打波,下次再黎預早通知你先~

naruto said...

Phyllis:
我都係咁望啦

L.minor:

瘋膏 said...

睇到呢篇我都好開心, 見到貓有人養, 過得好, 就睇到人間仲有愛。
另外, 亞bu好得意, 佢頭的毛色, 好似曬黑咗個頭咁。

佚名 said...

阿Bu好可愛啊!!

naruto said...

瘋膏/佚名:
佢真係超可愛,我相信有人錫會令佢靚左囉

Related Posts Plugin for WordPress, Blogger...